جدتي حصه وزيارة الرئيس جورج بوش

عدد الرسائل : 10 تاريخ التسجيل : 19/01/2008

السلااااااام عليكم ..
هلااااااااااا والله بكل من قلط بموضوعي

ياحبيلكم وانتم بردااااااااانين .. والله يامالنا علم بالعرق ..
مبطين ماعرقنا .. ولاصببنا عرق ..

تصدقون عاااااااد معنا واااحد ياويلي اذا حتسى بتلة سعابيلوه اتقاااااااطر ..
هاليومين يالبي فاقدين السعابيل ..
بس ماتشوف اثمه من الثلج ..
ياويلي السعبول اللي يطلع يجمد على طول .. وغادين اثمه يادافع البلى تقول بزبوز بوه املاااااااااااح ..

بس اعلمكم بعد .. والله ياهالبرد خلى الواحد يلبس كل الثياب اللي عنده ..
تشوف هالعالم ماغير متدحملين ..

تصدقون ان روضة مسجدنا منول تآخذ خمس طعش وااااااحد ..
وهاللحين يالله يالله ماخذتن خمسة .. والأخير نصه طالعن برى الروضة من كثر التدحمل ..

مالكم بالطويلة يالبياتي .. ابعلمكم سالفة جدتي حصه وزيارة بوش ..

اول شي جدتي حصه تطرح تسأولاته .. وشواله جااااااااااااي هالقرد هاالبوش ..
تقول ان هذا مثل ( البس ) مايتحرك ولا يروح ولايجي الا اذا صار بوه بلى ..
تشوفوه مثل الحرمة اللي تبي تضني ماغير يجول ..

ياوليدي هذا لاقين عالمن يضحك عليهم ..

جايبن معه كم دبابة .. وكم صاروخ .. ويقول تراي ابضرب ايرااااااااان ..
واذا ضربته تبي تقوم عليكم .. مير اشتروا هالاسلحة اللي انا جايب علشان تدافعون عن انفسكم اذا قامت ايران تبي تلوحكم

والثااااااااااانية يبي يقول لدول الخليج يبي يقولهم ورااااااكم يادافع البلى مغلين علينا البترول ..
من خبرة الدنيا وحنا نآخذه منكم بهالكثر .. وش جااااااااكم رفعتوا السعر علينا ..

او تبونا نفلت ايرااااااان عليكم وتدبغكم .. همن تناودنا نحميكم ونهشه عنكم ..
وتعطوننا نص انتاجكم ابلااااااااااااااااااااااش .. مثل حرب الخليج والعرااااااااق الأولى ..

مير على طاري العراااااااق ..

وراه يوم ان الله جابوه .. مايقولوه الملك :

يوجه القرد ليه ماتغدي رجل عاقل وتطلع من العراق ..
اغديه يستاحش من ابو متعب لاطير عيونوه عليه ..

بعدين هو صحيح انهم يقولون انه ذابحن مليون طفل عرااااااااااااااااقي .. ياويلوه من الله
بس ودي ادري منهي هالخبلة اللي ماخذتوه .. ماتخاف انه يقوم بهالليل ويذبحة ..

ياوليدي هالقرد هذا ماجاء يبي يصلح المنطقة .. هذا جاااااي يبي يخربه ..
ومن خبرة الدنيا واليهود هم اعدائنا .. يعني وش تنتظر من عدوك ..

ياوليدي من الغباء ان تنتظر من عدوك الخير لك ..

رح ياوليدي نم بس .. وقل :
ياودود ياودود ياذا العرش المجيد ..
احفظنا بحفظك ..

تقبلو تحيات جدتي حصه وقريبا تشوفونه بقناة ((افلقن ان كان بوه بث))

الي مافهم كلمه ولا شيء يقولي اعلمه معناته لن الهرج كله قصيمي